зошто соренто?

Соренто – еден од најромантичните италијански градови. Позициониран во најубавиот дел од брегот на јужна Италија, посебен поради својата географска положба и карактеристичниот изглед на карпите на кои се наоѓа. Соренто го нарекуваат Сончевиот Град, со неверојатен воодушевувачки поглед на Неаполскиот залив, каде во подножјето свети бистрата тиркизна вода на Тиренското Море. Градот привлекува туристи од целиот свет, со единствениот поглед на зајдисонце и опојниот мирис на портокали и лимони.

Познат е по кристално синото и бистро море кое овозможува освежување на некоја од бројните плажи кои се микс од песок, камчиња и карпи. Ритамот на летото ќе го почувствувате во бројните модерно опремени барови на плажа во кои ќе можете да уживате.

Градот ќе ве освои со автентичната морска храна и чистиот медитерански воздух со мириси на лимон и маслинки. Ќе уживате во медитеранска паста во некој од бројните ресторани пред да се прошетате по монденското шеталиште исполнето со голем број на продавници на познати модни брендови како и барови каде ќе уживате во врвното италијанско кафе.

Соренто навистина претставува идеална почетна точка за истражување на овој дел од Италија и совршено исполнет одмор.